mikudagur, 23. september 2015

Fyrsti dysturin endaði við 27-16 til H71


H71-Neistin: 27-16 (14-9)


Skrivað hevur: Jan Sørensen

Myndir: Jan Sørensen

Neistin smurdi okkum av í fyrsta dystinum í fjør, og tí er tað hugaligt, at in.fo skrivar, at H71 smurdi Neistan av í fyrsta dystinum í ár.

 

Dystargongd

Fyrstu 15 minuttirnar var ringt at taka dagar ímillum, hvat av liðunum var tað betra. Liðini fylgdust, til støðan var 6-6, og tá vóru um 16 minuttir leiktir. Stutt frammanundan hevði H71 tikið eitt time-out, og møguliga var tað úrslitið av hesum, sum sást, tí Neistin steðgaði upp og kom ongantíð aftur í dystin eftir hetta. Hálvleiksstøðan var 14-9 til H71.

Seinni hálvleikur hevði eina gongd, har H71 støðugt legði meira afturat, spakuliga men stútt. Tað var onki sum bendi á, at Neistin hevði nakran trumf at tveita í spælið, og tí gjørdist endaliga úrslitið 27-16 til H71.
 

H71

Í mun til í fjør er stór útskifting av leikarum. Bogi Davidsen, Hallur Biskupstøð, Rúni Højgaard, Hanus Kristiansen og Jesper eru farnir uttanlands, men liðið kláraði seg tó heilt væl við hesi nýggju manningini. Nú eru ikki so nógvir nýggir, men heldur kunnu vit siga, at nú eru tað aðrir, sum sleppa framat.

Nýggi útlendski leikarin, Peter Krogh, var óheppin og meiðslaði sær fótin so mikið illa, at hann fekk ikki spælt meira enn teir fyrstu 15 minuttirnar. Óvist er, hvussu álvarsligt tað er. Hesa stuttu løtuna skoraði hann trý av teimum seks málunum, ið tá vóru skotin. Eisini sást, at hann var ágrýtin og hevði eitt kraftmikið skot.

Tað góða er, at sjálvt um ein av mettu styrkunum ikki fekk spælt, so megnaði liðið at spæla góðan hondbólt og vinna uttan stórvegis trupulleikar.
 

Neistin

Fyrstu løtuna sýntust teir reiðiliga væl skipaðir í verjuni, og nýggju málverjarnir tóktust reiðiliga góðir. Hetta gav ávísar trupulleikar hjá okkara monnum í álopi. Djumic var aftur at síggja sum strika, og har er hann ómetaliga ringur at halda og ósvikaliga tryggur í skotunum.
 

Samanumtikið

Als ikki so galið hjá okkum. Vit gleða okkum longu til næsta dyst, sum er leygarkvøldið kl 18 móti StÍF.

Nú fyrsta umfar er um at vera spælt (TK manglar), so kann ein loyva sær varisliga at gita um tey betru liðini í 2015/16. Soleiðis sum dystirnir háttaðu sær, sær tað út til, at StÍF er styrknað munandi samanborið við í fjør, og tað sama við KÍF. VÍF er hinvegin viknað nakað men eru enn tó reiðiliga sterkir. Roknast kann tí við, at toppurin á stigatalvuni verður mannaður av KÍF, StÌF, VÍF og H71. Seinni kunnu vit so eftirmeta og rætta styrkismetri.

Dómaraseðil

<!--@News:title-->


Bústaður


Hondbóltsfelagið H71
Hoyvíkshøllin
Postsmoga 1067
FO-188 Hoyvík

Nevnd og ábyrgdarpersónar

 

  Nevnd      
  Anna Dam Forkvinna 519082 AnnahDam@iCloud.Com
  René Dahl Olesen   235930 ReneDahlOlesen@gMail.Com
  Emy Sólvitsdóttir   513769 EmyS@Olivant.Fo
  Ann-Mari B. Mouritsen   214452 Ann-Mari@Olivant.Fo
  Símun Poulsen   517220 Simun@vh.Fo
  Eyðun Joensen   792640 EyJo@Taks.Fo
  Jóhan Lamhauge   521975 Lamhauge@HotMail.Com
  Alfred Jacobsen   723700 AlfredJacobsen@gMail.Com
  Beinta Fossadal   288913 BeintaFossadal@Hotmail.Com
         
  Ann-Mari B. Mouritsen Heimasíða 214452 Ann-Mari@Olivant.Fo
  Djóni Gaard Joensenn Samskipari 504488 H71Umsiting@gMail.com