Allir ungir, og allir fastir leikarar á FTZ-liðnum hjá teim svørtu.

Ókey, tað skal líka skoytast uppí, at talan er so um úttøku til venjingar, men løgið verður, um ikki allir sleppa ígjøgnum nálareygað, tá bæði yrkisligur hugburður og hondbóltsgávur annars eru ósundurskiljandi partur av hesum ungmonnum.

18 mans hava fingið venjingarboð, so fýra verða skildir burturúr.

Kappingin verður um knappan mánað í Bulgaria, í døgunum 21. - 25. oktober.

Vit ynska Kára og Birgir góða eydnu við venjingunum, og hartil góða eydnu til okkara menn.