Kvinnurnar spæla í 1. deild, sum er næstbesta deildin hjá kvinnum.

Hesin fyrsti dysturin er móti Kyndli. Í kvøld, leygarkvøld. Í Høllini á Hálsi í Havn. Klokkan 19:30.

Tær eru einar 26 (jeps: tjúgu-seks!), sum eru meldaðar til liðið. Talan er um damur, sum hava spælt seg upp gjøgnum árgangirnar í H71, nakrar, sum aftan á áralangan steðg aftur hava fingið sær harpiks á fingrarnar, og so nakrar, sum eru komnar frá  øðrum liðum. Petur Martin Johansen og Peter Krogh standa fyri leikligu venjingunum, Tróndur Arge hevur styrivenjingarnar undir hond.

Kappingaryvirlitið hjá 1. deild kvinnur er her á Úrslitatænastuni.

Ivast onga løtu í, at damurnar hjá okkum verða sera glaðar, um eisini tú kemur at stuðla teimum  :)
So Barnbaby, Vild Med Dans, X-faktor og alt hatta har - lat tað nú bara liggja á hesum sinni. Um illa vil til, so verður tað endursent einaferð í framtíðini.
Tíðin verður betri givin út við at stuðla kvinnuliðinum hjá okkum.

Mínar damur: gangist tykkum væl!