Dysturin í FTZ-deildini endaði við úrslitinum 21-27, og sostatt er okkara besta manslið enn ósigrað í hesum kappingarárinum.

Ta fyrstu helvtina av fyrra hálvleiki var kanska eitt sindur so sum so, tí støðan aftan á einar 15 minuttir var 6-4. Men hetta kappingarárið eru okkara menn væl fyri, og teir vunnu seinnu helvt av fyrra hálvleiki 10-4 og kláraðu sostatt at fara til hálvleik við støðuni 10-14.

Men strandingar eru ikki hvør sum helst, tað má mann sanna. Teir kláraðu mest sum beinanvegin í seinna hálvleiki at berja okkara 4-máls-leiðslu niður í eittans mál. Og tann støðan helt sær nokk so longi, til einir 10 ninuitir vóru eftur av dystinum og støðan javnt 17-17. Tá fingu okkara menn fingu fýra mál á rað og harvið takið aftur á dystinum. Dysturin var tá mest sum avgjørdur, og okkara endaðu so eisini dystin við sigri.

14 stig aftan á 7 dystir, betri úrtøka fæst ikki. Blivið við, dreingir!

Málini hjá okkum gjørdi hesir:
Mark 6
Peter Krogh 6
Jónas 5
Rúni 4 (jeps, hann er við á liðnum aftur!)
Helgi 3
Hans Kári 2
Sigmundur Nolsø 1

Fyri StÍF gjørdu hesir málini:
Leivur Justinussen 4
Jógvan G. Joensen 4
Jóhannus Olsen 3
Sveinur Justinussen 3
Fríði R. Djurhuus 3
Kjartan Johansen 2
Borgar M. Persson 1
Rani Funn 1

Støðuna í FTZ-deildini sært tú her á Úrslitatænastuni.