H71 hevði lætt spæl, alt ov lætt. Heimaliðið var rætt og slætt ongin mótstøða, og H71 kundi leikandi lætt leggja tvey stig afturat, soleiðis at nú eru 18 stig tilsamans fyri 9 dystir.

Eg kom ikki til dystin fyrr enn seint í fyrra hálvleiki, men tá var dysturin so gott sum longu avgjørdur. Teir ungu sluppu at royna seg, Andor og Djóni á vengrunum, meðan Oddur stýrdi spælinum. Hendan sama manningin helt fram í fyrra parti av seinna hálvleiki, og dysturin varð í stórum spældur av okkara ungu monnum. Hetta gekk bara heilt væl, og H71 vann eisini sannførandi við tíggju málum, 26-16.

Sum tað sæst av úrslitinum, so fekk Neisin bara 16 mál, og harav bara 6 í fyrra hálvleiki. Hetta lýsir væl dystin, tí tað var ikki nóg veiggj í neistamonnum.

Leygardagin spæla vit móti Team-Klaksvík í Klaksvík, og hvør veit ? teir hava arga okkum fyrr, og tá landið liggur soleiðis onki stig er sett til, og alt hevur gingið sum eftir ánni, so kemur ein tíð har tað møguliga verður ringt at manna seg upp til teir, á pappírinum, lættaru dystirnar. Tí kundi TK-dysturin væl blivið meira spennandi enn okkum dáma.

Stigatalvan vísir 18 stig fyri 9 dystir, og tað eru 7 stig niður til nr. tvey (VÍF). Ikki kann sigast annað enn at tað gongur væl.
Úrslit og støðuna í FTZ-deildini kanst tú síggja her á Úrslitatænastuni.


Dómaraseðil.