Um so er, at onkur liggur inni við einum spurningi, ivast í onkrum, hevur eitt gott hugskot um betringar her og har, ella bara sum heild hevur rís ella rós til felagið, tá er at gera sær dælt av tí útmerkaðu tænastu, sum er á heimasíðuni.

Henda eitur "Samband", og er at síggja heilt ovarlaga á heimasíðu felagsins, h71.fo, beint til høgru fyri "Slóðir" og niðanfyri hasa hjartanemandi 'kollage' av Hoyvíkini ella tí, hon umboðar (sí myndina ovast).

Trýst á "Samband". Skriva síðani navn, telefonnummar og teldupost umframt spurningin ella viðmerkingina.
Enda við at trýsta á "Send".

So gongur ikki rúm tíð, fyrrenn tú fært svar ella, um ikki annað, at byrja við, boð um móttøku.

H71