Heima ímóti Neistanum er altíð trupult. Og tað verður tað eisini hesuferð. Neistin hevur einki at spæla fyri, men teir vístu ímóti VÍF, at tað hava teir eginliga ikki ánilsi fyri.

Kanska serliga er tað á heimavølli, at vit hava havt trupulleikar at bast bláu piltunum úr Havn. So ein sigur ímóti næstaftasta liði á stigatalvuni er als ikk nøkur sjálvfylgja. Tað er umráðandi, at vit sum lið og hópur hugsa um hvønn dyst sær, tí tað er ikki bert finaluplássið, men fyrstaplássið, ið er upp á spæl.

Hetta kann vera avgerandi í FM-stríðnum. Fornemmilsið er eitt sindur løgið hjá okkum H71arum, tí vit eru vanir við at stríðast fyri at koma í finaluna. Orðað øðrvísi, tað plagar at vera um hesu tíð, sera árla á vári, á síðvetri, beint fyri páskir, at vit spenna hvørt fibur í kroppinum til tess at skaffa okkum øllum eini gleðilig páskir: eina FM-finalu!

Nøkur halda, at vit hava verið í finaluni heldur leingi, og tað er nakað um tað.

Tiltikni underdog-leiluturin er ikki heilt so kvalifiseraður at gera sær dælt av longur, og tí er kanska líka so frægt at halda okkum til tað, eg fyri kappingarbyrjan meldaði út--parafriserað av Philim Lahm, Bayern-liðskipari, beint fyri heimadyst ímóti Real Madrid: "Vit eru H71, vit tapa ikki!"

Og tað gera vit eiheldur í morgin.

Komið og stuðlið í morgin, tað er klokkan 16, og tað er Heima í Hoyvík.

Koyr á Tit Svartu!!!!!!!!!!!!!!