Eg bleiv uppringdur beint í ellivu við teim boðum, at dótturin skuldi spæla ímóti russum (Volgograd City) og skandinavum (einum norskum liði, einum donskum og trimum svenskum); ein, at síggja til, rættiliga sterkur bólkur.

Tú finnur hesar upplýsingar við at fara inn á www.partillecup.com, trýsta á "Gruppindelning ute nu" undir Nyheter, ella við at trýsta á Spelschema, og síðani skriva "H71 Girls 10", um tú ert altráur eftir at finna útav, hvørjum gentur 10 skulu spæla ímóti.

Og upplýsingar um H71 sum heild eru her.

Til tykkara kunnleika kann eg so fortelja, at ungu damurnar eru í Bólki 2 útav íalt trimum bólkum hvør við sínum íalt sjey liðum. Mótstøðan verður einamest svensk, men Strandby-Elling IF bjóðar tó eisini av.

Taka við dreingir 16, tá gerst mótstøðu-myndin hvaðna meiri altjóða. Bólkarnir eru heili 14 í tali, meðan knassarnir úr Hoyvík skulu spæla í bólki 10 (H71 1) og 14 (H71 2), har H71 1 eitt nú kemur at møta einum suðurkoreanskum liði, Korea Youth National Team... sum hóast tess innfødda er eysturásiatiskt.

Annars, fyri bæði liðini, eru íslendignar og skandinavar á skránni. H71 2 møtir einum týskum liði úr Zveibrucken, sum jú liggur í vakra Rínlandnum lúkst át franska markinum sunnalaga í tí, sum fyrr var tann demokratiski parturin av Týsklandi, Vesturtýskland at navni.

Akkurát nær vit skulu spæla ímóti hvørjum verður kunngjørt seinni, sonevnd spæliætlan ella 'fixture list'.
Um ikki allastaðni, tá er tað fyri tað mesta galdandi, at trý tey ovastu liðini koma víðari í A-umfarið, meðan hini liðini, ið júst ikki kláraðu tað, spæla í einum B-umfari.

Hvussu er og ikki, tá eru øll liðini tryggjað nógvar dystir, og neyðugt er at dussja seg tvørturígjøgnum dystin við vatni (spann og svampur umframt vatndunk er viðmælisvert!), tó so at tú ikki gloymir at verja konsentrerað og byggja álop upp.

Og nú eru so bara 19 dagar til kast-off!