Herfyri var tað Kyndil, sum fylti ár. Nú er tað so Neistin, aldursforsetin í føroyskum hondbólti, ið hevur føðingardagstørn.

Neistafólk hava nógv at fegnast um, tí felagið er í góðum hondum og ungdómsdeildirnar mennast. Ungdómsvenjari er settur, og eins og hjá øðrum felgum fer hetta óivað at geva eftirsóknarverd úrslit.

Samtíðis eru kvinnurnar fastar í finalum, meðan mennirnir, traditiónelt tað veikara kynið í felagnum:), altíð eru góðir fyri einum finaluyvirraskilsi ella tveimum, hvat vit hava vitnað seinastu tvey árini í Coca Cola-steypafinaluni.

Vit vilja við hesum ynskja Neistanum hjartaliga tillukku við teim 85 árunum við ynski um eitt ótal av orrustum næstu 85 árini.