Seinasti FTZ-dysturin hjá okkara besta mansliði hetta kappingarárið áðrenn finalurnar verður nú leygardagin í Hoyvíkshøllini.

Í hesum sambandinum er enn ein leikfaldari gjørdur.

Í oddagreinini hesaferð kanst tú lesa um, hvat samband er millum konfirmasjón og hondbólt.

Tveir elektriskir stólar eru.

Í tí eina er Niklas H, sum millum annað heldur, at Hørður er tann, sum hevur nógv tann ringasta tónleikasmakkin.

Í hinum stólinum er Eindri Frýdal, sum avdúkar, at hann kundi hugsað sær at sloppið at "deyta" eina ávísa Fíu.

Skemtiligir fýrar, hesir báðir. Les restina av spurningum og svarunum í faldaranum.

Dia Midjord hevur stak áhugaverda grein, og tað er hagani, yvirskriftin her oman fyri er.

Dia umrøður og kritiserar venjingina av umgdómi. Summir leikarar eru væl fyri í útgagsstøðinum. Men tað manglar ofta at taka hond um restina av leikarunum, so at teir kunna verða eins góðir.

Tað eru ikki bara venjarar, sum fór orð við á vegnum, tað fáa foreldur og feløg eisini.

Hetta og annað ber til at lesa í faldaranum, ið sum vant verður borðin í allar postkassar í Hoyvík í hesari vikuni.

Tað ber eisini til at lesa faldaran her.