Fyri at maksimera stuðulin til okkara menn í 1. finaludystinum, sum verður mikukvøldið, hava vit aftur í ár fingið Buss-Magna at veitt okkum eina stýrandi hond.

Dysturin í Vestmanna er kl. 20:00, og av tí at tað er ynskiligt at vera har ein góðan tíma áðrenn, koyra bussar tveir tímar áðrenn dystarbyrjan.

Tað vil siga, at bussar koyra frá Hoyvíkshøllini kl. 18:00 mikudagin 20. apríl. Og tað er ókeypis at koyra við.

Hetta merkir so ikki, at vit hittast klokkan seks mikudagin.
NEI, vit hittast væl fyri, klokkan fýra, tí FM-finalur og -spenningur er null uttan upphiting.

Her er tað, at Hildur og G17-damurnar traðka til og mála svart á svart, sum galt tað lívið.
Eisini verður eitthvørt drekkandi og etandi at fáa. Eins og tað plagar... tí eru vit so finaluvon:)

Ókkara leikarir rokna við tær og tínum stuðuli.

Koyr Á Maskinuna!