Nú er freistin at melda seg til hondbóltskappingarárið 2016/2017 hjá H71 við at fara.

Og eins og fyrr, so endar tilmeldingin við einum tilmeldingardegi.

Øll foreldur at leikarum, sum spæla í H71, eru vælkomin á tilmeldingardagin. Nevndin fer at greiða frá virksemi felagsins, og komið verður eisini inn á luttøku í Partille Cup 2017.

Nýggi høvuðsvenjari felagsins, Sonni Larsen, luttekur og greiðir frá, hvat hann leggur dent á sum venjari, og hvørjar væntanir hann hevur til leikarar og foreldur.

Ungdómsvenjari okkara, Mark Lausen-Marcher, kemur eisini at greiða frá, hvat dentur verður lagdur á í venjingini í vetur, og hann greiðir eisini frá meginreglum í sambandi við liðuppbýti.

Eftir felags foreldrafundin verður stuttur fundur fyri hvønn árgang inni í skúlastovunum. Her fáa foreldrini høvi til, saman við venjarum, at skipa virksemi um einstaka árgangin í ár.

Á tilmeldingardegnum fæst ein tilmeldingarblusa, sum í ár er av merkinum Adidas.

Av tí, at framleiðslutíðin av blusunum er so drúgv, ber illa til at bíleggja fleiri so við og við, og tí kunnu vit bert siga, at øll tey, ið hava goldið limagjald áðrenn 15. september, kunnu vera vís í at fáa tilmeldingarblusuna.

Tilmeldingin fer fram her.

Les um tilmeldingina her.