H71 var væl umboðað á U21-liðnum, sum undanfarna vikuskifti - nakað óvæntað - spældi seg víðari til HM endaspæli fyri U21-lið sum eitt av 24 londum.
 
Eisini á A-landsliðnum hjá monnum er H71 væl umboðað. Okkara fyrsti-málmaður, Ári Egason Dam, er við, og hann skal spæla sín landsdyst nummar 13.

Høgri vongur okkara og verju serfrøðingurin, Bogi Gaard Davidsen, er eisini úttikin, og hann spælir sín landsdyst nummar 7.

Helgi Hildarsson Hoydal, sum helst var besti leikari (saman við málmanni okkara Hørði Trygvasyni) seinasta U21-dystin móti Finnlandi, skal aftur í eldin hetta vikuskifti. Helgi hevur áður spælt heili 31 u-landsdystir, men hetta er hansara fyrsti A-landsdystur.
 
Rúni Vest Højgaard var eisini úttikin, men orsakað av skaða fær hann ikki verið við.
 
Talan er um eina undan undankapping. Vinnarin hetta vikuskiftið spælir seg víðari til næstu undankapping, og Føroyar hava góðar vónir um, at hetta kann eydnast.

Leiksskráin

Fríggjadagin kl. 20.00 Kýpros – Føroyar
Leygardagin kl. 18.00 Grikkaland – Kýpros
Sunnudagin kl. 16.00 Føroyar – Grikkaland

Føroyska landsliðið

Lars Larsen Black, ÍF Føroyar
Ári Egason Dam, H71
Niklas Simonsen, Skjern Håndbold
Rókur Akralíð, ÍF Føroyar
Hjalti Mohr Jacobsen, Kyndil
Helgi Hildarson Hoydal, H71
Tony Hammer Weyhe, KÍF
Bogi Gaard Davidsen, H71
Rúni Joensen, KÍF
Tróndur Kragesteen, ÍF Føroyar
Nicklas Selvig, TMS Ringsted
Allan Norðberg, StÍF
Andrias Eriksen, VÍF
Kjartan Johansen, Team Sydhavsøerne
Julian Olsen, VÍF
Hans Eli Sigurbjørnsson, KÍF
Rói Lamhauge, VÍF
Fríði Hammer Weyhe, KÍF

Føroyar eru í bólki A saman við Grikkalandi og Kýpros.

Grikkaland er styrkismett ovast, Kýpros næst og Føroyar niðast.