Tað er HSF, sum skipar fyri hesum kappingum, sum eru fyri gentur og dreingir, sum ganga í 1. og 2. flokki.

Leikarar koma úr øllum landinum. Hallirnar runt um í landinum eru karmur um kappingarnar upp á skift, og nú eiga vi í H71 og Hoyvíkshøllin tørn.

Kappingarnar eru vanliga bæði hugaligar og hugnaligar. Sigast kann, at lunnar verða lagdir undir spæligleðina hjá leikarum eitt nú við slíkum kappingum.

Børnini fáa roynt seg í dysti, fáa verið eitt lið og alt er 'akkurát sum ordiligt'. Endamálið er at hava tað stuttligt, skapa gleði og menna leikararnar. Ongin telur mál og stig. Og tó - leikararnir gera!

Nógv fólk er vanliga í høllini, tá slíkar kappingar eru - foreldur og systkin og ommur og abbar hyggja at, meðan tríggir dystir fara fram í senn.

Vit gleða okkum at bjóða leikarum og øllum teirra vælkmnum í Hoyvíkshøllina. Og sjálvandi fæst ein muður og okkurt gott afturvið til keyps eisini.

Byrja verður kl. 16 fríggjadagin.

Verið vælkomin.

Tú kanst lesa um U8-kappingar her.