H71 Dreingir 18 eru í hálvfinaluni og leika móti Neistanum í Hoyvíkshøllini klokkan 17:30, leygarkvøldið 11. februar. 

Undankappingin hjá dreingjum 18 varð leikt á Skála, har fimm lið luttøku. H71 gjørdist nr. 1 í undankappingini. Nr. 2 bleiv VÍF, nr. 3 Kyndil og nr. 4 Neistin.

StÍF/Tjaldur vórðu nr. 5. og gjørdist ov stuttir til at koma víðari í eina hálvfinalu.

VÍF hevur tryggjað sær annað plássið í finaluni við at vinna sannførandi á Kyndli.

Og leygarkvøldið verður so síðsta hálvfinalan spæld, har H71 spælir móti Neistanum. 

H71 dreingirnir eru nógv framfarnir hetta seinasta árið, og tað verður uttan iva ein spennandi dystur.

Leikarar og venjarar vilja gera sítt til, at H71 vinnur. Og vit áskoðarar - vit mugu eyggjað teimum til at koma í finaluna. 

Komið og stuðlið okkara Dreingjum 18!

Framtíðin er svørt!